ՍԻՐՈՎ ՀԱՅԱՍՏԱՆԻՑ
January 8, 2022
SHA-ի առաջին տարեդարձը
Ստեղծվելով Արցախյան Երկրորդ պատերազմի ավերակների վրա՝ մենք սկսեցինք երկար ճանապարհ՝ կայուն օգնություն ցուցաբերելու կարիքի մեջ գտնվող հայերին։ 2021 թվականի հունվարին չորս հոգով ստեղծեցինք այս նախաձեռնությունը։ Մենք հստակորեն սահմանեցինք մեր նպատակները, սկզբունքներն ու խնդիրները, և այժմ՝ մեկ տարի անց՝ 2022 թվականի հունվարի 8-ին, մենք 12 ուժեղ հայ կանանցից բաղկացած թիմ ենք, ովքեր ունեն օգնության և հույսի պատմություն:
Սահմանված երկու նպատակներն էին.
• Աղքատ և փախստական կանանց առաջարկել արժանապատիվ, պատվաբեր և կայուն աշխատանք:
• Հավերժացնել ավանդական արհեստագործությունն ու մշակույթը, որը կարող է անհետանալ պատերազմի և մարդկանց տեղահանումների պատճառով:
«Sewing Hope»-ի տեսլականն ու առաքելությունը հիմնված էին հետևյալ սյուների վրա.
• Ապահովել արժանապատիվ, պատվաբեր և կայուն աշխատանք փախստական, երեխա ունեցող միայնակ կանանց համար:
• Պատրաստել որակյալ և յուրահատուկ ձեռագործ տեքստիլ արտադրանք։
• Արտադրության մեջ օգտագործել ազգային հյուսվածքի նախշերի տարրեր՝ հայ մշակույթն ու պատմությունը պահպանելու և տարածելու համար։Այսօր յուրաքանչյուր
կին, դժվարությունների միջով անցնելուց հետո, ստանում է ամսական աշխատավարձ, որը հնարավորություն է տալիս վերագտնել իր նպատակը, կերակրել իր ընտանիքին և ապահովել արժանապատիվ կյանք իր երեխաների համար:
Մենք ստեղծել ենք նորաձևության և դեկորատիվ ձեռագործ աքսեսուարների գեղեցիկ հավաքածու, որը զարդարում է շատերի տներն ու արտաքինը: Այս ապրանքները ողողված են հայի ոգով և իսկական վկայությունն են ավանդական արհեստագործությունն ու մշակույթը հավերժացնելու մեր երկրորդ նպատակի:
Առաջին իսկ օրվանից մենք պատասխանատու ենք մեր ստեղծած ճանապարհի համար, և անում ենք հնարավորը, որպեսզի շարունակենք ստեղծել գեղեցիկը, հույս և ժպտալու շատ հնարավորություններ:
Մենք վստահ ենք, որ տարեցտարի մեր թիմն ավելի մեծանալու է, և ավելի շատ հայ կանայք հնարավորություն կունենան աշխատել և աճել մեզ հետ։
